المساعد الشخصي الرقمي

مشاهدة النسخة كاملة : كيف تصبح أخصائى معتمد دوليا فى سنه واحده ...دبلومة الجودهtqm



طائر_النورس
21-12-2008, 12:39 AM
السلام عليكم... تحياتي لكل الدكاترة اللي أتلكفوا و اللي في امتياز و إحنا اللاحقون ...

النهارده جاى أكلمكم عن ازاى تبقى أخصائي في سنه واحده - ممكن تكون سنة امتيازك ليه لا ؟؟- و بطلب من إدارة المنتدى تثبت الموضوع لو لفترة لتعم الفائدة

إزاى الكلام ده ؟؟ بالتحاقك بدبلومه مدة الدراسة فيها يوم واحد في الأسبوع لمدة حوالي سنه ... و معترف بيها من وزارة الصحة و السكان و بتسجل بيها نفسك في النقابة ك ((أخصائي جودة شاملة ))

استني بس أنت استغربت ليه... هو فعلا تخصص جديد جدا و عدد المسجلين فيه يدوب ما يكملوش 200 لحد دلوقتى لكنهم مطلوبين جدا في مصر و في الدول العربية كمان

نعرف بقى واحده واحده إيه الموضوع

الدبلومه أسمها ( إدارة الجودة الشاملة TQM Total Quality Management )
تسألني مين الجودة الشاملة ... أبسطها لك ...

الحكاية يا ساده أن وزيرنا الهمام -د/حاتم الجبلي للي ما يعرفش هو مين - كل ما يتكلم تلاقيه بيقول كلام عن ((الجودة و ضوابط الجودة و المعايير و الايزو ..... )) وطبعا عمرنا ما سألنا نفسنا مين دول ؟؟
المفترض أن الجودة هي الصيحة العالمية اللي هتقلب نظام العمل في اى حاجه في الدنيا من مجرد ((حلو , وحش )) ل مطابق و غير مطابق ... في كل حاجه ده طبعا بعد وضع معايير خاصة بكل شيء و تفصيلية لدرجة تزهق الصراحة - طبعا لكلام ده على مستوى العالم هنا إحنا لسه بنحط المعايير المحلية من شوية سنين حلوين كده و على فكره اللجنة العليا للجودة بيرأسها رئيس الجمهورية بنفسه -
طيب و الطب ؟؟؟
في نظام معرف في العالم (6 سيجما) و ده أحسن مثال تطبيقي ليه في الطب ... أكيد في معايير في كل حاجه نحطها الأول و بعد كده نقيس حققنا منها قد إيه...
ببساطه لو قلت لحضرتك تخيل غرفة عمليات مثاليه المفروض يبقى فيها إيه ؟؟؟
عد أنت أنا مش هقول :
1
2
3
4
المهم أن اللي يستوفى المعايير دى يبقى غرفة عمليات اللي ما يستوفيش يبقى بطيخ

طيب في الإدارة ... المعاونين.شفى محتاجه قد إيه من الدكاترة ... المعاونين ... العمال... و هكذا ف ميبقاش في مكان محتاج و لا مكان فيه ناس و مش بتشتغل ..
لو فكرتوا شويه هتلاقوا الطب في مصر محتاج للإدارة اكتر من الأطباء نفسهم

و من هنا يبدأ الكلام ... نظام المعايير القياسية لازم علشان يطبق بشكل مظبوط يطبقه أفراد درسوا في المجال ده- الجودة- أضافه إلى مجال دراستهم اللي بيمارسوه- الطب يعنى -
فلما تبقى مصر محتاجه جوده شامله يبقى لازم أخصائيين-دكاترة- ...
أي مستشفى علشان تبقى محترمه –في نظر العالم -لازم تأخذ ايزو (Ideal Standard Organization ) يعنى منظمة خاضعة للمعايير القياسية ... و هكذا

طيب ابقي اخصائى جوده شامله ازاى و إيه المميزات و كل الاسئله دى .... نبدأ بسم الله

المعهد الوحيد اللي بيدى الدورات دى في مصر - والحمد لله معترف بيه من وزارة الصحة و المجلس الأعلى للجامعات كمان - هو :
معهد إدارة الجودة التابع لمركز الإدارة في الجامعة الامريكيه - الكلام ده بالعربي شكله وحش قوى -

The American University in Cairo The Management Center The Institute of Quality Management (IQM)

و ده الموقع الخاص بيه كمان للي عايز يعرف اكتر ... استني أدور لك عليه
http://www.aucegypt.edu/conted/mancenter/IQM.htm

وده كمان الموقع الخاص بالدبلومه اللي اسمها بالكامل Post Graduate Diploma In TQM For Healthcare Reform
http://www.aucegypt.edu/conted/mancenter/iqm/tqm.htm

نيجى للكلام التفصيلي :

كل المطلوب هو:
شهادة البكالوريوس -حتى لو المؤقتة اللي بتطلع في الامتياز - و نية صادقة انك هتتعلم علم تفيد بيه الناس و نفسك


Objectives:

# To prepare participants to lead the quality activities of healthcare reform in their organizations.
# To provide participants with the skills necessary to assure quality in healthcare services.
# To quality participants to train their service providers on quality skills.
# To provide participants with about 70% of the body of knowledge required for the exam of the Healthcare Quality Certification Board (HQCB)B, in the U.S.A, and become a Certified Professional for Healthcare Quality (CPHQ).

Contents:
# Management Information in Healthcare.
# People Management.
# Planning for Top Quality in Healthcare Services.
# Quality / Environment System Standards in Healthcare.
# The Continuous Quality Improvement process.
# Performance Improvement.

* المميزات:
- يتخرج المتدرب على درجة (خبير معتمد في جودة الرعاية الصحية CPHQ) المعترف بها عالميا.
- يعتمد الحاصل على الدبلومه على درجة (أخصائي جوده شامله بوزارة الصحة) و يلحق بالعمل - أو ينشئ - وحدة جوده في المستشفى التابع لها .. يعنى((إضافيا)) تشتغل فى وحدة جوده او تبقى مدير الوحده
- تساهم النقابة بدفع جزء من تكاليف الدبلومه بعد قيد الطبيب بها
- تؤهل للعمل كأخصائي جوده بأي منشأه طبية تتبع نظام الجودة الشاملة داخل مصر و خارجها- أنا اعرف دكتور سافر للعمل بالمستشفى السعودي الالمانى في السعودية بعد ما خلص الدبلومه دى -
- تستعين الوزارة بهؤلاء الأخصائيين في وحدات الجودة المنتشرة بمستشفياتها المركزية (( تنقل تكليف سعادتك قريب للي مخدش باله ))

* نظام الدراسة:
- مدة الدراسة 55 أسبوع على 3 فصول بعد كل فصل يقدم المتدرب مشروع-نظري- و يمتحن فيما درس.
- الدراسة لمدة 3 ساعات في يوم واحد أسبوعيا.(( ما اظنش أنها تعطلك))

* تكاليف الدبلومه :
هي بتكلف حوالي 6300 جنيه كلها...تدفعها على 3 مرات... لكن لو حسبتها هتبقى 550 جنيه تقريبا في الشهر و ده اقل من نص اللي بتدفعه في اى معادله

* موعد الانعقاد و مكانه :
سبتمبر القادم فى القاهره و جارى الاتفاق على أن ينفذ المعهد الدوره فى المنصوره نفسها

* مشاكلها:
المشكلة الوحيدة هي إن في قائمة انتظار طويلة ممكن ما تعرفش تلحق الدبلومه السنة دى -

طائر_النورس
21-12-2008, 12:44 AM
لجامعة الامريكيه بتبدأها فى شهر 9 كل سنه
و الحجز فى مقر الجامعه الامريكيه
دبلومة المنصوره فى المنصوره و الحجز فى شركة أتك امام بوابة الجلاء بالجامعه
كلمهم على 0100093177 د. عبد الفتاح

طائر_النورس
21-12-2008, 12:46 AM
لخض المناقشات اللى كانت قبل كده بعد اضافه اخر معلومات عليها
* هل الدبلومه محتاجة سنة تفرغ?
=> لا طبعا الموضوع مش مستهال لا استقاله ولا تفرغ كل الحكايه 3 ساعات فى
يوم من الاسبوع مش اكتر

*ممكن توضحلنا العائد؟؟
=> العائد من الدبلومه نستطيع ان نختصره فى :
1- الفائده العلميه من علم يغير مسار كل المجالات التى تم تطبيقه فيها
برفع كفائة العمليه المقدمه للمستخدم - بغض النظر عن نوعها او حجم او عدد
المستخدمين - الى نسبة خطأ تصل الى 3.4 فى المليون.
2- الشهاده الممنوحه معتمده من كلا من الجامعة الامريكيه, المجلس الأعلى للجامعات
3 - المعلومات التى يخرج بها المتدرب تعادل حوالى 70% من المطلوب لإجتياز
إمتحان و الذى بإجتيازه يجاز للمتدرب العمل فى كدرب العمل فى كافة دول
العالم.
4 العائد المادى -وأعتقد أن هذا هو مقصد حضرتك - ...
نقسم كلامنا هنا لنقطتين ... هو المدفوع قد إيه ؟؟ و هيجيب قد إيه ؟؟ ده
ببساطه شديده
المدفوع حوالى 750 جنيه شهريا لمدة سنه و الاجمالى لا يتجاوز نصف المطلوب
-كليا-لأى معادله من المطروحه على الساحه للدراسه ...
طيب العائد .. اولا اضافى العمل كأخصائى جوده + العمل كنائب مكلف فى اى مكان كان
غير كده انه بيوفر لحضرتك فرصة الانتقال للمستشفيات اللى فيها وحدات
جوده- يعنى مستشفيات أكيد أفضل حالا من الوحدات اللى ف اخر الدنيا-
أخر حاجه أن فرص السفر للعمل فى المستشفيات فى الدول العربيه كأخصائى
جوده قويه و فى تزايد و برواتب بتعدى الراتب اللى بياخده ممارس عام
بأضعاف

mohammed
21-12-2008, 12:48 AM
جاااااااااااااامدة جدا
تسلم إيديك يا باشا
كنت سمعت عنها شوية كلام
بس معرفتش التفاصيل الا دلوقتي
جزاكم الله خيرا:hob.gif:

طائر_النورس
21-12-2008, 12:49 AM
هل بالحصول على هذه الدبلومة يتم تسجيلك في النقابة كأخصائي جودة شاملة؟؟؟
أصل أنا قرأت إنه يجب عليك اجتياز أمتحان
exam of the Healthcare Quality Certification Board (HQCB)B, in the
U.S.A, and become a Certified Professional for Healthcare Quality
(CPHQ).
قبل أن تكون أخصائي?
=>إطمن بالدبلومه فقط حضرتك بتسجل نفسك أخصائى جوده فى شامله فى وزارة
الصحه و على فكره هى نفس الدوره اللى بتطلبها الوزاره فى الترقيات -علشان
كان دكتور مش فاكر اسمه الصراحه سألنى فى التليفون السؤال ده
أما بالنسبه لإمتحان HQCB فده طبعا درجه تخصصيه أعلى فى الجوده لكن مش
ضرورى تكون مع حضرتك للعمل فى الجوده فى مصر و معظم الدول العربيه ...
لكن وزى ما قلنا أن المعلومات اللى حضرتك بتطلع بيها بتكون 70% من
المطلوب لإجتياز الامتحان "لكن في متطلبات تانيه للأمتحان ممكن نبقي

** بس العمل في المجال ده هايكون بعيد عن الطب اللي درسناه?
=> دا سؤال كويس ... لكن نبص للموضوع بنظره واسعه شويه ... هى البلد
محتاجه اطباء ولا اداره طبيه ؟؟؟
يعنى حضرتك تعرف كام دكتور - مش هقول كام الف دكتور- موجودين فى اماكن من
غير ما يكون ليهم شغل ... دا غلط اداره،
كام مستشفى فيها كفاءات عاليه جدا لكن مستوى الخدمه فيها مش عالى ... دا
برضو غلط اداره ...
و الامثله كتير ....
دا فى ادارة الموارد البشريه بس ... ما بصناش على المنشأت الطبيه دى
اتعملت ليه اصلا و ايه هدفها و خطة عملها و مواردها و الاهم و الاهم هو
الطريقه اللى بتتعامل بيها مع المرض و المرضى وأهل المرضى ...
علشان تحقق رسالتها_
و الخلاصه أن التطوير اللى هيعم على الطب فى حالة تطبيق الجوده مفيش شك
فيه ... كمان مفيش شك أن اللى هيقوم بالتطوير ده أطباء لأن محدش غيرهم
فاهم كل التفاصيل الخاصه بالعمل ... (( تخيل أى خبير جوده و مش طبيب هيحط
معايير غرفة عمليات مثلا ازاى )) "يشترط للعمل في الجودة الصحيه الحصول
علي شهاده جامعيه في المجال الطبي"
وزى ما قلنا قبل كده ده مش متطلب تفرغ من العمل ليه ... حضرتك برضو دكتور
فى مستشفاك أو عيادتك لكن فى نفس الوقت أخصائى جوده .. ده مش بيمنع تخصص
حضرتك فى اى تخصص تانى و لابيمنخصص تانى و لابيمنع الماجستير أو الدبلومه
.. لكنه فرصه كويسه لراتب أحسن هنا أو بره

طائر_النورس
21-12-2008, 12:51 AM
* ينفع يا دكتور اقدم وانا لسه في التكليف?

=> طبعا حضرتك تقدر تقدم فى خلال فترة التكليف .."والأمتياز كمان لو
حبيت". لأن كل المطلوب هو صورة من شهادة التخرج و حماسة كبيره للمجال
الرائع ده .

** بعد انتهاء الدبلومه هرجع اكمل التكليف وهيكون لي نفس الدرجه الماليه ولا ايه?
=>أكيد، لكن بنهايتها بتسجل نفسك أخصائي في النقابه مش في الوزاره
لأن-لحد دلوقت مفيش درجه ماليه منفرده لأخصائي الجودة-
وعلي فكره في كلام قوي عن أنشاء الدرجه دي في التامين بعد تطويره،

** عندي استفسار يا اخواني انا لو خدت الدبلومه دي واشتغلت في اي مستشفي
ينفع اسجل ماستر في اي تخصص تاني ؟
طيب وده هيكون علي حسابي ولا علي حساب الوزاره ولو علي حسابي هيكلف كام ؟

=> الدخول فى مجال الجوده غير متعارض مع التسجيل فى اى تخصص تانى ...
فى محاولات مع الوزاره انها تنزل نيابات مستقله للجوده ... بس أكيد
حضراتكم ادرى منى ب المحاولات مع الوزاره
وبالنسبه للتكلفه ف معتقدش

** يعنى الفائده طبيه ولا اداريه?
إداره طبيه و سفر بدري و تفكير علمي و ,,,, ما تستبعدش بكره ينزل قرار
بأن المستشفي لازم يكون فيها أخصائي
لو حضرتك بتدور علي classic medicine ‎‏ ف هتزود فرص السفر ل مكان كويس|
بتعلي ال CV‏ ‏|

***هل الدورة دى محتاجة تقدير درجات معينة ?
=>جيد تراكمي

الدبلومه لكل المجال الطبى سواء طب أو صيدلة أو أسنان أو بيطرى و فى فعلا
دكاتره من التخصصات دى بيشتغلوا فى مجال الجوده و من فتره

اما بالنسبه لفرص العمل فأكيد هتلاقى بره أكتر من هنا لأن الجوده فى دول
حوالينا بدأت فيها قبلنا بزمااااااااااااااااااااان

بس رأيى الشخصى أن المستقبل ليها مش بس كوظيفه مساعده لا كمان ك تخصص
هيغير شكل الطب فى مصر بأذن الله

طائر_النورس
21-12-2008, 12:53 AM
منقوول للفائده

قلبي لله
21-12-2008, 01:47 AM
سلام عليكم
ما شاء الله جيد جدا

لكن اعتقد ان اللى هايأخذها مش هايلاقى نفسه فى مصر
وهايسافر واحنا نتمنى ننفع بلدنا واخوانا
لأن كل الدكاترة بتسافر واحنا فى عجز الى الاطباء الكفء

طالـ الشهادة ـبة
21-12-2008, 01:53 AM
جزاكـــــــــــــ الله خيرا ــــــــم .

أم جويرية
21-12-2008, 03:00 AM
السلام عليكم ورحمة الله وبركاته
أولا جزاكم الله خيرا على الموضوع الرائع
لكن فى استفسار
هل يوجد كورس خاص بادارة المستشفيات لغير الدارسين فى المجال الطبى
يعنى مالوش علاقة بالجودة والمعايير
مجرد ادارة زى بتاعة كلية التجارة

وجزاكم الله خيرا
أنا فعلا محتاجة اجابة السؤال ده ضرورى

أبـ البراء ـو
21-12-2008, 03:51 AM
السلام عليكم

لا يعمل
يرجو مراجعته

جزاكم الله خيرا على هذا النقل الجيد

dr\\aahmed
21-12-2008, 08:00 AM
السلام عليكم ورحمة الله وبركاته

موفق بإذن الله ... جزاكم الله خيرا .

قاطع عدوك
21-12-2008, 10:51 AM
السلام عليكم ورحمة الله وبركاته
جزاكـــــــــــــ الله خيرا ــــــــم .

طائر_النورس
21-12-2008, 03:04 PM
هل يوجد كورس خاص بادارة المستشفيات لغير الدارسين فى المجال الطبى
يعنى مالوش علاقة بالجودة والمعايير
مجرد ادارة زى بتاعة كلية التجارة



فيه فعلا يا اختنا الدورات دى واعرف ناس شغالين فيها دلوقتى
وابشرى بموضوع خاص بها ان شاء الله اليوم

طائر_النورس
21-12-2008, 03:31 PM
بالنسبة للروابط الللى مش شغاله
ده ملف بى دى اف عليه تفاصيل الكورس الخاص بالجامعه الامريكيه
http://www.aucegypt.edu/academics/conted/mancenter/Documents/IQM_TQMHealthcare.pdf

وده رابط المعهد التابع للجامعه الامريكيه
http://www.aucegypt.edu/academics/conted/mancenter/Pages/IQM.aspx

أبو أحمد المصري
21-12-2008, 10:07 PM
السلام عليكم
موضوع جميل جدا و مفيدجزاك الله عنا خيرا
حضرتك قلت هيتعين قريب ويسافر يشتغل بيهابره أو في مصر لو ربنا كرم بس لو واحد ليه نيابة........الدورة دي هتزوده ايه أكاديميا وعلميا ومهنيا

طائر_النورس
21-12-2008, 10:40 PM
هناك عدة اماكن تحصل من خلالها على دبلومة الجوده الطبيه:
زى :
* الجامعة الامريكيه بالقاهره AUC
* جامعة النيل بالقرية الذكية NU
الكورسات زى :
* كورس نقابة الاطباء بالدقهلية
----------الجامعة الامريكية بالقاهره AUC --------------
دبلومة الجوده الشامله TQM
معهد ادارة الجوده بيقدم دبلومه قوية و عريقه أسسها أكبر اساتذة جوده فى الوطن العربى
(د. شفيق بدران : مؤسس دبلومة الجوده فى المعهد
, د. سامية عبد اللطيف مدير المعهد-سابقا- !
, اللواء مهندس سعيد عيسى مدير التدريب –سابقا - ! "هنعرف موضوع سابقا ده كمان شويه"
و غيرهم من دكاترة المعهد )
المحتوى العلمى للدبلومة قوى –على فكره انا بدرس فيها دلوقتى –
و فيها جزء تطبيقى اضافه ل 6 مواد نظريه مقسمه على ثلاث فصول 4 مواد لها امتحان و مادتين لهم مشروع تخرج قيمة الدبلومة : 10500 جنيه تدفع دفعه واحده , لما الجامعه بتعلن عن فتح باب الحجز
مميزاتها :
*مدتها سنه كامله وده بيوفر فرصه للأستيعاب لأن علوم الجوده علوم تطبيقيه و جديده نسبيا و الانترنت فيه معلومات كتير و قويه ف هتحتاج الوقت علشان تثقل – حلوه تثقل دى – الدراسه بالمعلومات و تقدر تطبق اللى بتدرسه فى مشروعاتك .
* معتمده من المجلس الاعلى للجامعات كدبلومة دراسات عليا لأن بتمنحها جامعه معتمده من المجلس الاعلى للجامعات و لأن مدتها الدراسيه عام دراسى كامل , بتتسجل بعدها أخصائى جوده شامله فى النقابه
*أسم الجامعه الامريكيه له وزنه فى التقديم للوظيفه , لانها معروفه من فتره طويله لدرجة انها نزلت قبل كده فى الاهرام بالاسم ,
* الحقيقه الناس ملتزمه بشكل يجبرك أنك تلتزم بالحضور و بعمل الAssignments علشان فعلا لو كسلت هتتفرم :)

عيوبها :
* طبعا اول مشكله فيها – ا– انها فى القاهره فقط (و هوضح كمان شويه ازاى القاهره بس ) ... طبعا ضيف على الرقم اللى فات مواصلات انتقالك الى القاهره لو انت مش من سكانها ثم الى مقر القاهره الجديده بتاع الجامعه الامريكيه الجديد اللى معرفش اصلا سكته منين ... لما تشوفه على موقع الجامعه تحس انه اخر الدنيا شمال فى يمين ...
* المشكله التانية فى قائمة انتظار محترمه يمكن تملا دبلومتين جايين ف أنت و ظروفك مع موضوع الانتظار
* المشكله الثالثه و دى الاصعب أن الجامعه اشترطت دلوقتى ان حضرتك تكون حاصل على التويفل من الجامعه او من مركز معتمد منها لا و كمان لازم سكور يكون أعلى من 550 و سلملى على العنجليزى الرائع اللى اتخرجنا بيه من طب ....
* المشكله الرابعه ان الفلوس كاش ... يعنى كله مره واحده (مبلغ كبير الصراحه)
*المشكله الخامسه أنها بتقدم 70% فقط من محتوي العلمى المطلوب لاجتياز امتحان البورد الامريكى فى الجوده –حسب الكلام المكتوب فى موضع الجامعه- و اللى بعده بتبقى محترف معتمد فى الجوده الصحيه CPHQ , و الباقى فىكورس منفصل كان معدى ال 4000 فى اخر مره سألت عنه .
********************************************
------------ جامعة النيل بالقرية الذكية NU------------------
الحقيقيه أن حصلت هجره من مؤسسى دبلومة الجامعه الامريكيه (د.شفيق بدران , د. ساميه عبد اللطيف , اللواء مهندس سعيد عيسى) لجامعة النيل بالقرية الذكيه –حاليا- ,(ليهم مقر بيكملوه فى الشيخ زايد مقر قوى قوى حاجه كده 120 فدان بس تصميمه على الموقع عالى قوى )
و هى جامعه بتبدا بقوه فى مصر كجامعه مخصصه للدراسات العليا و البحوث العلمية فقط و فيها معهد جوده بيدرس من خلال الدكاتره دول و غيرهم دبلومه موسعه شويه عن دبلومة الجامعه الامريكيه (هنقول ازاى)
دى دبلومه دراسات عليا فى الجوده الشامله معتمده من المجلس الاعلى للجامعات و بتسجل اخصائى جوده شامله فى النقابه ,
مدة الدراسه سنه
المحتوى الدراسى :تقريبا محتوى الدراسة اللى بتقدمه الجامعه الامريكيه –ما هما اللى كانوا عاملينها اصلا – يمكن محدث بس شويه ...لكن المهم انهم أستكملوه باضافة كورس التحضير للبورد الامريكى فى الجوده فى نفس السنه الدراسيه
الدراسه بتجمع بين النظرى و المشاريع
و عاملين كمان دراسات ميدانيه فى ستشفيات مطبقه نظم الجوده زى دار الفؤاد بتروح هناك يوم تشوف اللى انت بتدرسه واقع قدام عينيك
قيمة الدبلومه 10500 جنيه شامله كورس التحضير للبورد , على 3 اقساط القسط قبل بداية السميستر (تدفع تدخل :) )
طيب المميزات :
*مدتها سنه كامله وده بيوفر فرصه للأستيعاب لأن علوم الجوده علوم تطبيقيه و جديده نسبيا و الانترنت فيه معلومات كتير و قويه ف هتحتاج الوقت علشان تثقل – حلوه تثقل دى – الدراسه بالمعلومات و تقدر تطبق اللى بتدرسه فى مشروعاتك .
* معتمده من المجلس الاعلى للجامعات كدبلومة دراسات عليا لأن بتمنحها جامعه معتمده من المجلس الاعلى للجامعات و لأن مدتها الدراسيه عام دراسى كامل , بتتسجل بعدها أخصائى جوده شامله فى النقابه
* هتتعمل فى المنصوره فى نادى الحوار ف قريبه – -
* التطبيق الميدانى ده قوى و هيساعدك أنك تفهم أكتر و تشوف النظم اللى يتتعلمها بتتنفذ ف بيوسع ادراكك بالجوده
* المنصوره عاملين فيها حاجه قويه قوى – لسه مش متاكد القاهره كمان فيها ولا لا لما اتأكد هقولكم-
أن الاول على الدبلومه هيتاخد لمدة سنه فى جامعة النيل فى معهد دراسات الجوده , طبعا يعنى فرصه انا نفسى متغاظ انها عدتنى لأنك هتشتغل تحت ايد أقوى اساتذة جوده فى العالم العربى و المرتب هيكون مرتب من اللى بيتقر عليهم , ولو بعد السنه اثبتت كفائتك هتتعين و تدرس فى المعهد
*الفلوس على 3 اقساط ... أرحم طبعا
* الكورس شامل التحضير للبورد الامريكى فى الجوده و ده هيوفر حوالى 4000 و شويه مش متأكد بس تقريبا 4800
* التويفل مش شرط
* قوائم الانتظار مش زحمه قوى –لحد دلوقتى –
عيوبها:
*الصراحه انا شايف أن عيبها يمكن ان الجامعه لسه بدأه ... لكن أسم الناس اللى فى المعهد هيغطى النقطه دى على ما اعتقد لانهم ناس من التقل اللى يعرفوا يسوقوا لمنتجهم- اللى هو حضرتك بعد التدريب :) كويس
كمان هما عاملين شراكات مع جامعات ليها تقلها زى مانيسوتا فى امركيا
********************************************

---------------كورس نقابة الاطباء بالدقهليه----------------
Cambridge Training College Britain
وده كورس هيتعمل فى نقابة اطباء الدقهليه مدته حوالى شهرين و نص
أولا قبل ما استفيض فى الكلام ... خلونا نفرق ان معنى كلمة دبلومه هنا مش معناها دبلومة دراسات عليا , لأن لائحة المجلس الاعلى للجامعات بتقول ان دبلومة الدراسات العليا اللى بيحصل عليها الدراس بعد تخرجه ... لازم تكون من جامعه معترف بيها فى المجلس الاعلى للجامعات ولازم تكون مدتها مش اقل من سنه .
لكده كل الدبلومات فى التخصص الطبى مش اقل من سنه علشان يبعدوا عن الدخول فى الدوامه دى
لكن يمكن اللى بيعلن يقصد ترجمة كلمة Diploma اللى هى بمعنى كورس , مش قصده Postgraduate Diploma ..
لان اللى قدمنا ما يعديش من شروط الاعلى للجامعات
حاجه تانيه برضو مستغرب ليها جدا فى الاعلان ...
بيستفذنى جدا فى اى إعلان او موضوع كلمة (معتمده من .... ) و يحط مكان النقط اسم بلد أو دوله ...
(انا عانيت ايام ما كنت بنظم كورسات د إبراهيم الفقى فى التنميه البشريه من الموضوع ده ,,, تلاقى اعلان عن كورس تنميه بشريه معتمد من امريكا ؟؟؟؟؟
يعنى ايه ؟ من انهى شارع فى امريكا ؟؟؟ ورا البنزينه يعنى ؟
انا ينفع اقول كورس تنميه بشريه معتمد من المنصوره ولا من كفر الزيات)
ف المفروض اللى يتكلم يقول جامعة كمبريدج مش كمبريدج
المهم لما شفت الاعلان و اتكملت مع اللى كان بيعلقه لقيته بيقولى معتمده من كامبريدج ! قلت أكيد يقصد جامعة كامبريدج
استغربت اللوجو لأنى عارف لوجو جامعة كامبردج الانجليزية العريقه دى مفيهوش اسد كبير فى النص
ف لما بصيت على الموقع فى البروشور
Cambridge Training College Britain/
لقيته غير موقع جامعة كامبريدج
http://www.cam.ac.uk/
ف الكورس ده مش تبع جامعة كامبريدج اللى نسمع عنها
لانه زى ما مكتوب فى الموقع
a private independent training provider .
و ده يخلينى احط الف علامة استفهام على الاعتماد , لآن ده مركز خاص مش جامعه ... ما هو مش كل شهاده علشان طلعت من انجلترا يبقى خلاص انزلت ... علشان الشهاده دى انا مش هعلقها على الحيطه ... دى هتتحط قدام ناس هيرموا على مسئولية جوده مستشفى صارفين عليها و هيصرفوا على معاها , فأكيد هيتأكدوا من مصدر الشهاده
حتى لو كانت من المركز اللى معرفش عنه كتير لحد دلوقتى – لو حد يعرف عنه كده يفيدنى- طيب مين اللى هيدرسها و درس جوده فين قبل كده ...
اتمنى حد يرد على اسألتى .انا بحط نفسى دايما مكان اللى بيدور علشان ما ابقى عارف بحط وقتى و فلوسى فى ايه ..
و للتوضيح بس أنا مش بتهم حد بحاجه انا بتكلم فى ضوء المناقشه الموضوعيه ... و انا كل هدفي من أكتر من سنه هو (نشر العلم) ف ياريت اللى عنده العلم ما يبخلش عليا بيه
ودى هتتنفذ فى نقابة الاطباء فى طلخا
محتوى الدراسه
والله هو لسه جديد ما اتنفذش قبل كده و المعلن عنه لحد دلوقتى ان ظروف الدراسه
نقلا عن منتدى تانى

1. تهتم الدبلومة بجانب الدراسة الأكاديمية بالتدريب للعمل فى مجموعات الجودة و طريقة عملها و تقسيمها إلى لجان و كيفية وضع الخطط و تفعيلها لإدارة الجودة فى المؤسسات الصحية داخل مصر و خارجها.
2. تمنحك الدبلومة شهادتين دوليتين فى إدارة الجودة الصحيةمعتمدتين من و كمبريدج والنقابة العامة للأطباء أو الصيادلة.
3. تمنح الدبلومة للطالب فرصة للتواصل مع إستشارى الجودة بالمجموعة DSP Group مع فرصة الرجوع إليهم فى داخل مصر وخارجها.

Contents
-Part 1: Total Quality Management TQM
- Self Management.
- People Management.
- Project QM.
- Part 2: - Information Management in health system.
- Part 3:- Quality planning.
- Performance improvement.
- Performance measurement.
- Part 4: Accreditation & Calibration.
- Quality/ Environment System Standards in
healthcare systems (ISO 9000, CAHO, JCI,
6 sigma).
- Practical course: Training course in a hospital for HCQM.
- Final project & presentation.
Final exam.


- المدة الزمنيه:
56 ساعة.
(14 أسبوع بمعدل 4 ساعات أسبوعيا).
- السعر:
2500جنيه مصرى.
و يتم سداده كالاتى:
-1950 جنيه عند التسجيل.
-550 جنيه فى نهاية الجزء الثانى.
دا كان كلام د رشا ... نشوف بقى المزايا و العيوب ...
المزايا :
*مدة الدراسة قصيره ! حوالى شهرين و نص ... دى فيها ميزه لو أنت مستعجل على الشهاده... و مش هتشتغل فى مجال الجوده ك تخصص ( عايز تاخد فكره )
*رخيصه –مقارنة بالباقى و كمان على اقساط
*قريبه ل ساكنى المنصوره -)
العيوب :
* المحتوى العلمى مضغوط قوى ... هي العناوين حلوه بس يارب هل هتتنفذ فى الاوقات المعلن عنها ...
* مدة الدراسه قصرها ما اعتقدش انه فى مصلحة التطبيق
(( الجامعه الامريكيه بتخلينا نعمل مشروع واحد فى اكتر من شهر ونص))
*الاعتماد و حط الف خط تحت دى ... انا مش عارف السنتر ده و الموقع مش مدى تفاصيل مبشره .... هى لو كانت كامبردج نفسها كنا قلنا كويس ...
*طبعا قوة الشهاده فى سوق العمل مرتبط ب قوة المكان اللى طالعه منه .. لأنك هتقعد فى انترفيو قدام ناس عارفه كويس يعنى ايه جوده و هتدفع لسيادتك مبلغ و قدره فلازم تعرف انت مستواك أخباره إيه ؟
*مين اللى هيحاضر .. أساتذه منين ...
تحياتى للى وصل فى القراءة لحد هنا ... أنت فعلا عايز مهتم بالجوده :)

طائر_النورس
21-12-2008, 10:56 PM
أه نسيت أقول علشان أكمل الاستفاده بس
اللى يحب يحجز فى الجامعة الامريكيه ل دبلومة سبتمبر
يتصل على 0227942964 ده رقم معهد الجوده
جامعة النيل :
دبلومة القاهره فى اكتوبر اللى جاى
رقم التليفون الوحيد الموجود على الموقع 3534-2115 02 و ده لمكتب نائب المدير ...

دبلومة المنصوره فى اكتوبر الجاى برضو
د.عبد الفتاح مسئول الحجز 0100093177
كورس النقابة :
0102970347
أو على ارقام النقابه
0502526808
0502523493

منقوول للافاده ايضا وجزى الله د/ احمد الشيخ صاحب الموضوع خير الجزاء

طائر_النورس
22-12-2008, 02:38 AM
بالنسبة للاخت اللى سالت عن دبلومة ادارة المستشفيات
بعد بحث عرفت ان فى دبلومة ادارة مستشفيات تبع تجارة عين شمس وفيه كمان تبع تجارة القاهره والاتنين فى قسم ادارة الاعمال
ودى بعض الروابط اللى قدرت اجيبها بخصوص ادارة المستشفيات
الجمعية العربية لإدارة المستشفيات
http://hospital.arado.org.eg/Societies/index.asp?SubID=4
ماجستير إدارة المستشفيات اللوجيستي
الأكاديمية العربية للعلوم و التكنولوجيا و النقل البحري – معهد النقل الدولي و اللوجستيات
http://beta.aast.edu:81/en/portal/media-type/html/role/user/page/logistics_master?p=135005
دبلوم الدراسات العليا في إدارة الرعاية الصحية
الأكاديمية العربية للعلوم و التكنولوجيا و النقل البحري – كلية الدراسات العليا في الإدارة
http://beta.aast.edu:81/en/portal/media-type/html/role/user/page/aagsb_diploma?p=131006
دبلوم الدراسات العليا في إدارة الرعاية الصحية و المستشفيات
الجامعة الأمريكية بالقاهرة – معهد تطوير الإدارة
www.aucegypt.edu/academics/conted/mancenter/imd/Pages/HealthcareandHospitalManagement.aspx
الدبلوم المهني في إدارة الرعاية الصحية
جامعة الأهرام الكندية – مركز دراسات و بحوث الإدارة و الإقتصاد
www.acu.edu.eg/acu_acadm_mesr_HCare7.htm
شهادة الإدارة في مجال الرعاية الصحة و الإجتماعية
الجامعة الأمريكية بالقاهرة – كلية التعليم المستمر
www.aucegypt.edu/academics/schools/sce/courses/business/Pages/default.aspx
الشهادة المهنية في مكافحة عدوي المستشفيات
الجامعة الأمريكية بالقاهرة – معهد إدارة الجودة
www.aucegypt.edu/academics/conted/mancenter/iqm/Pages/ProfessionalCertificateinNosocomialInfectionContro l.aspx
إتحاد المستشفيات العربية
www.ahfonline.net

أم جويرية
22-12-2008, 03:20 AM
جزاكـــــــــــــ الله خيرا ــــــــم .

dr\\aahmed
22-12-2008, 10:26 AM
السلام عليكم ورحمه الله وبركاته

جزاكم الله خيرا

مشكور اخى على ما تقدم وننتظر جديدك فلا تحرمنا

طائر_النورس
22-12-2008, 04:31 PM
جزانا الله واياكم الخير والقبول

حفصة
06-01-2009, 09:14 PM
الشهاده بتاعة الامتياز اعتفد بتطلع بعد 6 شهور من بدايته
ولا ايه لو كده هاناخدها فى نفس الشهر اللى بينفع التقديم فيه

اميره امام الفقي
08-01-2009, 12:16 AM
http://1aim.net/fourm/ 2
معلش استفسار بس احسن تهت الصراحه
1-هما كذه دبلومه الفي القاهره غير المنصوره غير جامعه النيل
وكل واحده بسعر مختلف؟؟

2-الياخد الكورس ده بعد كده لما يتخصص في الهو عاوزه حيشتغل الاتنين مع بعض؟
يعني معني كده ان شغل الجوده في المستشفي الواحد حيتعين فيها بعد كرم ربنا ليه حتبقي مش واخده كل وقته ولا مش حينفع يشتغل الاتنين مع بعض؟

3- معلش مش فاهمه موضوع ان المحتوي لا يتعدي 70% من المطلوب لخوض الامتحان للبورد الامريكي؟
هو الحياخد الدبلومه دي مش حيعترف بيه غير بعد ميجتاز الامتحان ده؟؟

4- اخر سؤال معهلش امتحان التويفل حضرتك كاتب انه بقه مطلوب يعني ده قبل منقدم للدبلومه نفسها؟؟
موفق بإذن الله ... جزاكم الله خيرا .

طائر_النورس
09-01-2009, 12:12 AM
http://1aim.net/fourm/ 2
معلش استفسار بس احسن تهت الصراحه
1-هما كذه دبلومه الفي القاهره غير المنصوره غير جامعه النيل
وكل واحده بسعر مختلف؟؟

نعم هما كذا واحده لكن اللى أنشاوها وبيدوها فى جامعة النيل هما الفريق اللى كان بيديها فى الجامعه الامريكيه المهم هما كذا مصدر وكل مصدر مستقل بذاته
لكن بالنسبه للمنصوره أظن والله اعلم دى تابعه للجامعه الامريكيه

2-الياخد الكورس ده بعد كده لما يتخصص في الهو عاوزه حيشتغل الاتنين مع بعض؟
يعني معني كده ان شغل الجوده في المستشفي الواحد حيتعين فيها بعد كرم ربنا ليه حتبقي مش واخده كل وقته ولا مش حينفع يشتغل الاتنين مع بعض؟

أيوه حضرتك هيشتغل فى تخصصه اللى هو عايزه بالاضافه لكونه اخصائى جوده
هو هيبقى ضمن فريق الجوده الموجود فى المستشفى
3- معلش مش فاهمه موضوع ان المحتوي لا يتعدي 70% من المطلوب لخوض الامتحان للبورد الامريكي؟
هو الحياخد الدبلومه دي مش حيعترف بيه غير بعد ميجتاز الامتحان ده؟؟

لا خالص هتشغلى بالدبلوه عادى خالص لكن اللى عايز ياخد البورد الامريكى فى الجوده هيحتاج موال اكبر
4- اخر سؤال معهلش امتحان التويفل حضرتك كاتب انه بقه مطلوب يعني ده قبل منقدم للدبلومه نفسها؟؟

بيقولوا انهم دلوقتى مش بيدققوا على موضوع التويفل ده
معنديش معلومات كافيه الصراحه عن النقطه دى
موفق بإذن الله ... جزاكم الله خيرا .

وجزاكم بالمثل

اميره امام الفقي
18-01-2009, 11:36 PM
سلام عليكم ورحمه الله وبركاته

جزاكم الله خيرا يدكتور
بس معلش سؤال كمان
http://www.ems.org.eg/akhpar_hama/33-6-1-08.htm
اللينك ده لحاجه مشابهه معلون عنها في موقع النقابه تقريبا نفس الكلام باستثناء انها ملهاش علاقه بالجامعه الامريكيه وبتتاخد في مستشفي 6 اكتوبر

فدلوقتي لو عاوزه اسال عنها اسال عنها في النقابه ولا الجامعه الامريكيه ولا فين بالضبط؟؟
وكمان في تقريبا برده نفس الكورس حيتعمل في الجامعه بسعر مخفض جداااا بالنسبه للسعر ده بس لسه معرفش عنه تفاصيل

فهل لدي حضرتك اي معلومات اخري؟؟
وجزاكم الله خيرا كثيراااااااا ومعلش تعبينك

طائر_النورس
09-04-2009, 03:26 PM
سلام عليكم ورحمه الله وبركاته

جزاكم الله خيرا يدكتور
بس معلش سؤال كمان
http://www.ems.org.eg/akhpar_hama/33-6-1-08.htm
اللينك ده لحاجه مشابهه معلون عنها في موقع النقابه تقريبا نفس الكلام باستثناء انها ملهاش علاقه بالجامعه الامريكيه وبتتاخد في مستشفي 6 اكتوبر

فدلوقتي لو عاوزه اسال عنها اسال عنها في النقابه ولا الجامعه الامريكيه ولا فين بالضبط؟؟
وكمان في تقريبا برده نفس الكورس حيتعمل في الجامعه بسعر مخفض جداااا بالنسبه للسعر ده بس لسه معرفش عنه تفاصيل

فهل لدي حضرتك اي معلومات اخري؟؟
وجزاكم الله خيرا كثيراااااااا ومعلش تعبينك


انا لسه حاضر ورشة عمل فى القصر العينى وجه مسئولين من معهد التنميه الاداريه اللى بيعمل الدبلوه دى فى الجامعه الامريكيه

وقالوا ان المكان الوحيد اللى بيعمل دبلومة الجوده فى مصر كاملة هى الجامعه الامريكيه فى القاهره وفرع المعهد بالمنصورة