المساعد الشخصي الرقمي

مشاهدة النسخة كاملة : عن البورد الأمريكي للجودة نتحدث...



غير حياتك
09-01-2010, 04:25 PM
السلام عليكم ورحمة الله وبركاته

هذا الموضوع منقول من أحد المواقع


دورة تدريبة للحصول على البورد الأمريكي للجودة الطبية
cphq



تعلن الجمعية الأفريقية للجودة الطبية عن تقدم برنامج تدريبى مكثف للسادة الأطباء البشرين وأطباء الأسنان والصيادلة وخريجي كلية التمريض و الإداريين لكي تطور من حياتك المهنية بالحصول على البورد الأمريكي في الجودة الطبية.

هذه الدورة تؤهلك لاجتياز امتحان البورد الأمريكي في الجودة الطبية وتفتح لك آفاقاً مهنية أفضل في مصر والوطن العربي وايضا في الولايات المتحدة الامريكية


وتحصل على لقب خبير معتمد في الجودة الطبية


healthcare quality certified board hqcb


certified professional in healthcare quality cphq


الان لا تحتاج للحصول على دبلومة الجودة الطبية من الجامعه الأمريكية لكى تحصل على البورد الامريكى في الجودة الطبية.




ما هو البورد الأمريكي في الجودة الطبية؟


هو شهادة معتمدة من الولايات المتحدة الأمريكية (الرابطة الوطنية لجودة الرعاية الصحية ) وهي تؤهلك للعمل كأخصائي جودة أو منسق جودة في مصر سواء في وزارة الصحة أو في جميع المستشفيات عامة او خاصة كما تاهلك للعمل في منطقة الخليج كما يمكن العمل بها في الولايات المتحدة الأمريكية (طبعا بعد الحصول على تاشيرة عمل او جرين كارد )




كيف أحصل على البورد؟


يستحسن ان تكون لديك خبره بالجودة وان لم تكون لديك هذه الخبره فلا تقلق فيمكنك تعويضها بكثرة القراءة والاطلاع وحضورك هذه الدورة التدريبية .

أخذ دورة تدريبية ونصائح استرشادية من الذين سبقوك بحصولهم على البورد .

الاستعداد جيدا للامتحان بمراجعه المواد المشروحه اثناء الدورة التدريبية .


احجز الامتحان وقم باجتيازة بتفوق انشاء الله .




البورد أفضل أم دبلومة الجامعة الأمريكية


بالنسبة لدبلومة الجامعة الامريكية في تكلف حوالى 12 ألف جنيه مصري مع دراسة 3 فصول دراسية لمدة عام كامل ثم تحصل على شهادتك.. وتمثل الدبلومة حوالي 70% فقط باعتراف الجامعة الامريكة


اما بالنسبة للبورد الأمريكي في الجودة الطبية فهو شهادة دولية مهنيه معترف بها عالميا . ثم ان تكلفة المتحان أقل من 2500 جنيه مصري وتستطيع الحصول على كورس كامل من الجمعية الأفريقية للجودة الطبية في شهر ونصف فقط وتوفر وقتك و مالك




الكورس عبارة عن ماذا بالضبط؟


كورس عبارة عن 30 ساعة محاضرات مع كتب ومذكرة امتحانات وامتحان تمهيدي مجاني


ماذا ندرس خلال الكورس؟

الادارة والقيادة


ادارة المعلومات


قياس الاداء وتحسينه


سلامة المرضى


أين سوف تعقد الدورة ؟

في القاهرة
ما هي مواعيد الدورة؟

سيتم انعقاد الدورة الجمعة من الساعه 9 وحتى الساعه 4 لمدة شهرين


لمن هذا الكورس؟

للأطباء - الصيادلة -أطباء الأسنان - أطباء الامتياز - مدراء المستشفيات من الأطباء والإداريين- التمريض


كم هي تكلفة هذه الكورس ؟

تكلف الكورس 3000 جنيه مصري لأعضاء الجمعية
أو 6000 جنية مصري لغير أعضاء الجمعية




كيفية التسجيل
عن طريق المقر الجمعية
عمارة رقم 1067 ش كورنيش النيل جاردن سيتي القاهرة
امام مستشفي القصر العيني الفرنساوى

للاستفسار
( تم حذف البريد لأن عرضه مخالف لشروط المنتدى )
0121099369




ملحوظة : تم نقل الاسئلة التى طرحت على هنا لكي يتم الاستفادة منها



هل ينفع واحد فى بكالريوس طب يشترك فيها..؟

.................

ينفع طبعا واحد في بكالريوس طب او صيدله او اسنان او علاج طبيعي او اي تخصص طبي ياخذ الشهاده لانها مبتشطرتش انك تكون حاصل على مؤهل معين
حتى غير العاملين في المجال الطبي ينفع انهم ياخذوا الشهادة بس يكونوا عرفين بعض المصطلحات الطبية وطبعا عرفين انجليزي كويس علشان الامتحان باللغة الانجليزية


ما هى فائدتها بالنسبه للاداريين او من يريد التخصص فى اداره المستشفيات بعد كده ؟



نعم هده الشهادة مهمة جدا لان الجودة الطبية تشمل جميع اقسام المستشفي سواء طبية ( العيادات الخارجية و القسم الداخلى وغرف العمليات والاشعه ....) او خدمية ( المطبخ و المغسلة و الامن ....)
كما انها تعلمك كيفية القيادة وحل المشكلات والاتصال مع الاخرين كي تصبح مديرا ناجحا . فانت كمدير جودة سوف تكون مسؤل عن تطوير وتحسين جميع خدمات المستشفي


مدى امكانية توافر العمل بعد النجاح فى الدورة؟


مجال الجودة في مصر والخليج العربي مطلوب جدا لاتجاه الحكومات لاعتماد المستشفيات لضمان خدمه جيدة وبتكلفه قليلة لذلك هناك طلب قوي على اخصائين الجودة لاسيما الذين يحصلون على البورد الامريكي وليس الدبلومه فقط


هل هذه الشهادة تعتبر تخصصاَ قائماً بذاته ؟؟

نعم تعتبر هذه الشهادة تخصص بذاته يسمى اخصائي جودة ويمكن ان تعمل يها فقط ويكون مرتبك اعلى من الاخصائي ويمكنك ايضا ان تكون مسؤلا عن الجودة في القسم الذي تعمل به اذا كنت تعمل في مستشفي كبير ولكن هذه الشهاده تاهلك للعمل كاخصائي جودة معتمد ففي دول الخليج يمكنك ان تعمل اخصائي جودة وتحصل على مبلغ بين 10 و12 الف ريال سعودى قابلة للزياده حسب خبرتك
مع العلم ان التخصصات الطبية تتراوح بين 8 و10 الاف ريال سعودى ( للحاصلين على الماجستير ) طبعا مع اختلاف جهة العمل والمكان


وهل هناك إمكانية لأن تعطى هذه الدورة للطلبة ؟؟


نعم فعند حصول الطالب عليها وفر على نفسه الوقت (سنه دبلومة في الجامعه الامريكية ) والمال ( 12 الف جنيه مصري) كما ستكون له فرصه جيده جدا للعمل في اي قطاع عام او خاص
طبعا يمكن للطلبه الحصول عليها ولكن يلزمهم المذاكرة الجيدة والاستعداد للامتحان


سلام عليكم جميعا الاول
بقالى كتير ما زرتش الجروب رغم صبركم عليا و انى لسه أوفيسر الجوده فيه لحد النهارده ولو أن أنشغالى فى الكليه مانعنى عنه

أنا أحمد الشيخ
حاصل على دبلومة الجودة من الجامعة الأمريكيه
و امتحنت البورد الأمريكى فعلا و بإنتظار النتيجة
دعواتكم


إيه الموضوع بقى

يعنى إيه بورد أمريكى و جامعة امريكيه و جوده و جمعية أفريقيه و أعتماد و قيمة وظروف سوق العمل

ناخد الموضوع واحده واحده
و هحاول أضيف المعلومات اللى ما شفتهاش فى الموضوعات اللى أتكلمت عن البورد

إيه هو البورد
cphq
البورد هو أعلى شهاده فى المعرفه بشئون الجوده الطبيه
يعنى أساتذة الجوده فى أى جزء فى العالم يا معاهم الشهاده دى
يا بيقروا بأن الحاصل عليها على قدر من المعرفه بعلوم الجوده يؤهله لأنه يقود فريق جوده بشكل ممتاز
أو على الأقل يتدرب لفتره و بعدين يقود

معتمد منين
من هيئة
بورد جودة الرعاية الصحية
hcqb

ودى جزء من الجمعية الوطنيه لجودة الرعاية الصحية
nahq
يعنى إعتماد
له ثقل بدون أى تحيز

قيمة الشهاده
الحاصلين على الشهاده بيدرجوا ضمن قائمه تجدد كل سنه على موقع الهيئة دى
و بيمنحوا لقب
محترف جوده رعاية صحيه معتمد
cphq
و يحق لهم إستخدام اللقب طول المده دى
لمدة سنتين تبدأ من بداية السنه اللى تلى الإمتحان
و بيطلب منك التجديد إما بالإمتحان أو بالتعليم المستمر

قوة الشهاده
تحديدا هتكلم على جزء أنها أقوى من غيرها
بصوا
الشهادات مش بتقارن ببعض
ده نوع من السخف والاستخفاف العلمى
ما ينفعش أقول الشهاده دى اعلى من دى
يعنى دبلومة الجوده - فى الجامعة الامريكيه اللى درست فيها-
بيتغطى جزء كبير من معلومات البورد
إضافه لنظم الإعتماد
و طرق التطوير المستمر ( ال 6 سيجما تحديدا)
اللى مش مطلوبين منك بشكل كبير فى البورد
فى حين أن البورد بيشمل سلامة المرضى بشكل أكبر و هكذا
أه فى نقط متشابكه
لكن كل شهاده ولها ثقلها

طيب سيبنا من المقارنه
هو البورد قوى
أه طبعا

طيب قوته تتقاس منين
من طلبه فى سوق العمل
طيب هو مطلوب
جداااااااااااا
و ده ينقلنا للنقطه اللى بعدها

ظروف سوق العمل
ممتازه
مطلوب فى الخليج
خصوصا السعوديه
و بشكل معقول فى الإمارات
و الرواتب تعادل تقريبا راتب أخصائى و سنتين خبره لو أنت ما عندكش خبره فى الجوده
و تزيد بزيادة سنوات الخبره و طبيعة العمل و المكان

طيب متطلبات الدخول للإمتحان
غير المعلومات ... ولا حاجه
اللهم الا رقم فيزا و إيميل و عنوان بيت

بس المشكله مش فى دول
المشكله فى المعلومات
وهنا نبدا الكلام يا ساده يا كرام
البورد بيمتحن فيك - ودى من تجربه بالإمتحان- فهمك لمبادئ الجوده
يعنى لازم تكون شارب المعلومات
لا حافظ ولا فاهم
شاااااااااااااااااااااااارب
يعنى المبادئ مزروعه جواك
ودى مرحلة بعد الفهم بشويتين

هتحط قدام أسئله جديده
محطوطه بشكل ذكى جدا أنها تقيس توجهك
و نجاحك فى الأمتحان من عدمه يعتمد بالقدر الأكبر على
طريقة التفكير دى تنفع تبقى محترف جوده ولا لأ؟

طيب و الكلام ده بيكتسب منبن
لازم تقرا كتير جدا
فى نقط معينه الأمتحان بيغطيها
لو عندك نقطه مش عارفها هتبقى مشكله كبيره
دى المرحله الاولى
المرحله التانيه
تبدا تقلب المعلومات دى مع حد فاهم جوده كويس
الأفضل طبعا يكون خاض تجربة الأمتحان
علشان ينقل لك خبرته
و تحاول تتدرب على طريقة الحل

بصوا انا لحد دلوقتى ما أعرفش إن كان ربنا كرمنى فى الإمتحان ده ولا ربنا ما أردش
أنا مشيت بإستراتيجيه معينه
لو ربنا كرمنى و عدت هيبقى عندى تركيبة مرتبه خلاصة الكام سنه اللى فاتت مع الجوده
مستعد أساعد بيها أى حد ناوى بجد يتعلم العلم ده
بس يثبت أنه ناوى بجد و أنا مش هبخل عليه

كفايه كده النهارده نكمل بكره علشان بنام من التعب
لو حد عايز يسأل هنا يقول
لسه عندى كلام كتير

لسه ما أتكلمناش عن الامتحان و الإستعداد للإمتحان أصلا

muslim25
20-01-2010, 05:31 AM
انا بدأت أذاكرها فعلا بس فيه معلومات كتير جدا ناقصاني وباستسمحك تقولهالي ياريت تديني رقم موبيلك وربنا يجازيك خير

Cameron45
17-03-2010, 03:45 PM
انها حقا جيدة جدا للتعلم وبالطبع نأمل أن أتمكن من حضور

dr sh
06-06-2010, 10:27 PM
ازاى اقدملها وايه مواعيد التقديم

dr sh
06-06-2010, 10:29 PM
ممكن لو حد عنده معلومات عن infection control